আল্লায় যেন কর্জের লাগি কেউর বাড়িত নেয় না
মজুরি করিয়া খাইমু ভাত যদি খাইতে পাই না ॥
আগে যে কর্জ আনতাম সুদ-বাট্টা দিতাম না
এখন বড় বেইজ্জতি সুদ লাগে তিন চাইর দোনা ॥
সময় মতো না দিলে আর মান ইজ্জত বাঁচে না
আর কিতা দেখাইবা আল্লায় আইছে কলির জমানা ॥
সাক্ষাৎ চাচার ঘরর ভাই চশম-ভরম করে না
যাই যদি কুন্তার লাগি কথা কয় উনা-হুঁকনা ॥
বাপর খালি জমিন থাকতে নিজর বুঝখান বুঝলাম না
সময় থাকতে এই বুঝখান আমারে কেউ দিল না
করিম কয় এখন বুঝি, এই বুঝ আগে ছিল না ॥
Lyrics are provided for personal, educational, and non-commercial use. Rights belong to their respective owners. If you represent a rights holder and have a concern, please contact the site owner.