সোনা মাই গো মাই

সোনা মাই গো মাই,
বিয়া করাইয়া মোরে বানাইলায় জামাই।
রাইত পোহাইলে বউয়ে বলে কর গিয়া কামাই \
ও মাই গো মাই,
যৌবনের তাড়না আমি সইতে না পারলাম
বিয়া করতে হইলাম রাজি ভবিষ্যৎ না চাইলাম।
সাজিয়া ফারিয়া আমি শ্বশুর বাড়ি যাই
সুন্দরী বউ ঘরে আনিয়া সুখের সীমা নাই \
সোনা মাই গো মাই,
বিয়া করাইয়া মোরে বানাইলায় জামাই।।
ও মাই গো মাই,
বউয়ে খয় ওগো স্বামী যাইবায় নি বাজার?
আমার লাগি এমন জিনিস আনতে যদি পার।
ছোট বেলার অভ্যাস আমার দুই ঠোটে লাগাই
লাল রঙের জিনিসটা কিন্তু নাম জানা নাই \
সোনা মাই গো মাই,
বিয়া করাইয়া মোরে বানাইলায় জামাই।।
ও মাই গো মাই,
আরও কইয়া দিলো আইনিও তিববতের পাউডার।
লাল গোলাপী স্নো আনিও গালে লাগাইবার
ভালো চাইয়া কাজল আনিও দুই চোখে লাগাই
পয়সার হিসাব করিয়া দেকি হুশ বুদ্ধি ঠিক নাই \
সোনা মাই গো মাই,
বিয়া করাইয়া মোরে বানাইলায় জামাই।।
ও মাই গো মাই,
বাপের কাইল্যা জমি আছিল সারে তিন কেদার।
বেচিয়া জোগাইলাম বউয়ের স্নো আর পাউডার
তিন বৎসর পরে দেখি এক জষ্টিও নাই
আসমান ভাইঙ্গা মাথাত পড়লো কেমনে দিন কাটাই \
সোনা মাই গো মাই,
বিয়া করাইয়া মোরে বানাইলায় জামাই।।
ও মাই গো মাই,
সেদিন বউরে নাইওর দিয়া গেছলাম আনবার দায়।
শ্বশুড়ে কয় আটক করছি আর দিতাম নায়
বৌয়ে বলে সময় মতো তেল সাবান না পাই
আমার লাগি আর আইওনা যাওগী ঠাকু ভাই \
সোনা মাই গো মাই,
বিয়া করাইয়া মোরে বানাইলায় জামাই।।
ও মাই গো মাই,
মারুক বউয়ে কাটুক বউয়ে তাতে দুঃখ নাই।
তবু যদি আমি মাই গো, বৌয়ের মনটা পাই
শুক্কুরে কয় বিয়া খরিয়া রইলাম ঘর জামাই \
সোনা মাই গো মাই,
বিয়া করাইয়া মোরে বানাইলায় জামাই।।