হরিমভিসরতি বহতি মৃদুপবনে |
কিমপরমধিকসুখং সখি ভবনে ||
মাধবে মা কুরু মানিনি মানময়ে || ধ্রু ||
তালফলাদপি গুরুমতিসরসম্ |
কিমু বিফলীকুরুষে কুচকলসম্ ||
কতি ন কথিতমিদমনুপদমচিরম্ |
মা পরিহর হরিমতিশযরুচিরম্ ||
কিমিতি বিষীদসি রোদিষি বিকলা |
বিহসতি যুবতিসভা তব সকলা ||
সজলনলিনীদলশীলিতশয়নে |
হরিমবলোকয় সফলয় নয়নে ||
জনয়সি মনসি কিমিতি গুরুখেদম্ |
শৃণু মম বচনমনীহিতভেদম্ ||
হরিরুপযাতু বদতু বহুমধুরম্ |
কিমিতি করোষি হৃদয়মতিবিধুরম্ ||
শ্রীজয়দেবভনিতমতিললিতম্ |
সুখয়তু রসিকজনং হরিচরিতম্ ||
Lyrics are provided for personal, educational, and non-commercial use. Rights belong to their respective owners. If you represent a rights holder and have a concern, please contact the site owner.