চাল ছানিত্ কামলা চাচা দিলায় না

চাল ছানিত্ কামলা চাচা দিলায় না
মাইয়ে করলা মুরুগ জবো
আইয়া তুমি খাইলায় না ॥

চাইচ্চে হিদিন মুরুগ লইয়া
মাইর লগে ঝগড়া করিয়া
গোসা করি গেছইন কইয়া
তোমরার বাড়িত যাইতাম না।
বন্দেপাত্রে থাকি আমরা
ঝগড়া করলা তারা তারা
এই বিষয়ে ভালাবুরা
আমি কুন্তা জানি না ॥

আরিপরি মিইল্যা খাওন
ভালা-বুরায় খবর লওন
বেহুদ্দা ঝগড়া করন
ইতা আমি ভালা পাই না।
পারি না মাইরে বুঝাইয়া
তাইন কিছু বেনারাইয়া
যেছা একটা কথা লইয়া
ধরলে কথা ছাড়ইন না ॥

আমি ইতা কানো লই না
আনাকামে মাত্ বেশাই না
পরের কথায় ফাল মারি না
ঝগড়া ফসাদ ভালা না।
মন থাকি ইতা ছাড়ি দিও
করিমরে মন্দ কইও
বিয়ালে চাচা বেড়ানিত্‌ যাইও
দুইন্যাই বেটা কুন্তা না ॥